Dva znakamityja biełaruskija hałkipiery — Andrej Miezin i Vital Koval — šmat hadoŭ siabravali siemjami. U kožnaj siamji — pa dvoje dziaciej. Na mnohich fota ŭ sacsietkach Anžalika Miezina pobač ź Julijaj Koval, ščaślivyja. Uletku 2015 hoda Kovali i Miezin padarožničali pa Amierycy, vystaŭlajučy ŭ sacsietkach svaje fota.
Tamu mnohija ździvilisia, pabačyŭšy Anžaliku pobač ź Vitalem Kovalem.
Anžalika Miezina i Vital Koval. Fota z sacsietak
«Kamsamolskaja praŭda» źviarnułasia pa kamientar da Andreja Miezina.
— Andrej, Anžalika vystaviła ŭ sacsietkach fatahrafii z sercajkami. Na fota jana i Vital Koval. Vy, napeŭna, viedajecie…
— Nie, ja nie hladzieŭ. My ź joj u razvodzie. Praktyčna raźvialisia.
— Jak ža tak? Niekalki hadoŭ tamu Anžalika raspaviadała nam u rubrycy «Formuła kachańnia» pra toje, jakaja ŭ vas ščaślivaja i mocnaja siamja.
— Spytajcie lepš u jaje: jak, što i čamu jana vystaŭlaje. Adzinaje, što ja mahu skazać, što ŭ nas u sakaviku pavinien adbycca razvod.
— Chto padaŭ na razvod — vy ci jana?
— Sumiesnaje rašeńnie. Lepš spytajcie ŭ jaje.
— Pačakajcie, takaja pryhožaja historyja kachańnia. Jak tak zdaryłasia, što vy rasstalisia?
— Voś i spytajcie ŭ jaje: ja ŭ hetaj historyi trochi ŭ baku.
— U sensie — u baku: vy ž — hałava siamji …
— Nu voś ja, jak hałava siamji, niedahledzieŭ… Ale ja nie chaču heta padymać i vynosić na publiku.
* * *
U raniejšym intervju «Kamsamołcy» Anžalika raspaviadała, što ščaślivaja ŭ šlubie, a kaliści dziela Andreja admoviłasia ad svajho minułaha žyćcia.
— Da sustrečy z Andrejem ja vučyłasia ŭ Anhlii, potym žyła ŭ Kijevie, pracavała, — raspaviadała Anžalika «Kamsamołcy». — U mianie zabiaśpiečanyja baćki, siamiejny biźnies, vialikija pierśpiektyvy. Ale ja sama vybrała ciapierašniaje žyćcio. Ja chaču być pobač z dačkoj, z mužam. Mnie padabajecca sustrakać jaho doma ŭ abiedzienny čas, padabajecca čakać viečarami paśla hulni, a ranicaj pravodzić na pracu.
— Jak ža jamu pašancavała!
— Mnie taksama pašancavała. Jon robić usio heta mahčymym. Andrej nie abmiažoŭvaje mianie, jon vielmi spakojny, strymany, biez pretenzij …
— Ja ničoha nie bajałasia, - pryznavałasia Anžalika vosieńniu 2012 hoda. - Ja viedała, što ŭ Andreja dvoje dziaciej, što jon doŭha byŭ u šlubie, ja sama była zamužam. Nu i što? My ničoha nie płanavali, prosta vielmi chacieli być razam. Ja liču, što žyćcio ŭsio rasstaŭlaje pa miescach …
