Słužba biaśpieki Ukrainy zabaraniła ŭjezd va Ukrainu hramadziancy RF Julii Samojłavaj terminam na try hady. Pra heta na svajoj staroncy ŭ fejsbuku napisała pres-sakratar SBU Alena Hitlanskaja.
«Rašeńnie pryniataje na padstavie atrymanych dadzienych ab parušeńni joju zakanadaŭstva Ukrainy», — napisała jana.
Jak viadoma, Rasiju na «Jeŭrabačańni-2017» pavinna była pradstaŭlać śpiavačka z abmiežavanymi mahčymaściami Julija Samojłava.
U červieni 2015 hoda jana vystupała ŭ akupavanym Rasijaj Krymie i zajechała tudy biez papiaredžańnia ŭkrainskaha boku.
Arhanizatary «Jeŭrabačańnia» zajavili, što buduć pavažać rašeńnie Ukrainy ab mahčymaj zabaronie ŭjezdu pradstaŭnicy RF.
Hramadskaja pałata Rasii vyrašyła źviarnucca da kamisara Rady Jeŭropy pa pravach čałavieka i ŭ Arhanizacyju Abjadnanych Nacyj. Jak paviedamlajuć rasijskija infarmahienctvy, pałata ličyć rašeńnie ŭkrainskaha boku «absalutna aburalnym faktam».
