FB ALISA BEREZUTSKA
Jak paviedamiŭ «112 kanału» hałoŭny ŭrač balnicy, dzie znachodziŭsia kiler, jon pamior na apieracyjnym stale. Pra heta ž «Ukrainskaj praŭdzie» paviedamiła pres-sakratar hienprakurora Ukrainy Łarysa Sarhan. Inšych padrabiaznaściaŭ jana nie paviedamiła.
U centry Kijeva zabity ŭciakač z Rasii, eks-deputat Dziarždumy Varanienkaŭ
Parašenka: Zabojstva Varanienkava — teraryzm z boku Rasii
Raniej u čaćvier hienprakuror Juryj Łucenka paviedamiŭ, što kiler, jaki zabiŭ eks-deputata Dziarždumy Dzianisa Varanienkava, znachodziŭsia ŭ krytyčnym stanie na hrani śmierci ŭ reanimacyi. Jaho paraniŭ achoŭnik Varanienkava.
«U kilera dva ranieńni ŭ vobłaść hrudziej i hałavy. Skrazny streł u hałavu robić niemahčymaj śledčuju rabotu ź im. Kiler na miažy śmierci», — skazaŭ Łucenka.
Jon taksama paviedamiŭ, što pry sabie ŭ kilera było paśviedčańnie, i pa dakumientach — jon hramadzianin Ukrainy. Adnak Łucenka adznačyŭ, što jašče varta pravieryć dakładnaść dakumientaŭ.
Jak viadoma, u čaćvier, 23 sakavika, u centry Kijeva pry ŭvachodzie ŭ hatel Premjer Pałas rasstralali byłoha deputata Dziarždumy RF Dzianisa Varanienkava. Jon išoŭ na sustreču ź jašče adnym byłym deputatam Dziarždumy Illoj Panamarovym.
Kiler streliŭ u Varanienkava i jaho achoŭnika, achoŭnik paśpieŭ u adkaz strelić u kilera. Paśla čaho abodva byli špitalizavanyja.
Uciakač z Rasii Varanienkaŭ byŭ śviedkam HPU pa spravie ab zdradzie eks-prezidenta Viktara Janukoviča.
