Biełaruś padpisała Mytny kodeks Jeŭrazijskaha ekanamičnaha sajuza (JEAES) 11 krasavika. Pra heta paviedamili rasijskija ŚMI. Pres-sakratarka Alaksandra Łukašenki Natalla Ejsmant 12 krasavika paćvierdziła hetuju infarmacyju.
U JEAES uvachodziać Armienija, Biełaruś, Kazachstan, Kyrhyzstan, Rasija.
Usie inšyja krainy JEAES padpisali dakumient na samicie kiraŭnikoŭ JEAES u śniežni 2016 hoda. Alaksandr Łukašenka na hety samit nie pajechaŭ i zajaviŭ, što Biełaruś niazhodnaja z Mytnym kodeksam, bo niekatoryja jaho pazicyi niavyhadnyja našaj krainie.
Padpisańniu kodeksa Biełaruśsiu papiaredničała źnižeńnie abjomaŭ pastaŭki biazmytnaj nafty z Rasii.
Biazmytnaja nafta, jak i haz pa źnižanaj canie, składajuć subsidyju Maskvy administracyi Alaksandra Łukašenki.
Na sustrečy Łukašenki z Uładzimiram Pucinym 3 krasavika byli dasiahnutyja damoŭlenaści ab adnaŭleńni raniejšych abjomaŭ pastaŭki nafty. Uzamien za što Rasija pahadziłasia pavialičyć abjom subsidyj Minsku, pakul nieviadoma.
JEAES i jaho Mytny kodeks pryviazvajuć ekanomiku Biełarusi da rasijskaj i ŭskładniajuć pašyreńnie haspadarčych i technałahičnych suviaziaŭ ź Jeŭrasajuzam.
