U Mahilovie zatrymali 43-hadovuju miascovuju žycharku. Kab zarabić nielehalnym šlacham žančyna ładziła sapraŭdny teatr ź pieraapranańniami.
«Sa žniŭnia 2015 hoda da krasavika 2017 hoda ŭ Mahilovie, Minsku i Słaŭharadzie, žančyna padmannym šlacham zavałodała bolš za 780 000 rubloŭ», — paviedamlaje mahiloŭskaja milicyja.
Zatrymanaja žančyna. Fota — pres-słužba UUS Mahiloŭskaha abłvykankama
Jak raspavioŭ namieśnik načalnika ŭpraŭleńnia kryminalnaha vyšuku kryminalnaj milicyi UUS padpałkoŭnik milicyi Alaksiej Bandarenka, žančyna pradstaŭlałasia hramadzianam načalnikam Minskaj rehijanalnaj mytni, namieśnikam načalnika DAI i načalnikam inšych adździełaŭ UUS Mahiloŭskaha abłvykankama, pałkoŭnikam milicyi na vysokaj pasadzie.
Jana pierakonvała hramadzian, što maje dostup da kanfiskavanaj majomaści, jakuju maje prava pradać. Košt hetaj majomaści jana naŭmysna zanižała ŭ dziasiatki razoŭ.
Dla bolšaj upeŭnienaści hramadzian žančyna apranała formiennaje abmundziravańnie supracoŭnika milicyi, i pryznačała miesca sustrečy pablizu administracyjnych budynkaŭ orhanaŭ unutranych spraŭ.
Za ździełki žančyna atrymlivała hrošy jak u valucie, tak i ŭ biełaruskich rublach, i abiacała, što ŭ bližejšy čas «klijenty» atrymajuć nabytaje, a pieradadzienyja joj hrašovyja srodki iduć u dachod dziaržavy.
Praŭda, pry zaklučeńni čarhovaj «ździełki» žančynu zatrymali.
U ciapierašni čas z zajavami ŭ milicyju źviarnulisia šeść paciarpiełych, ale pa infarmacyi, jakaja majecca ŭ supracoŭnikaŭ kryminalnaha vyšuku, ich kolkaść značna bolšaja.
USK Respubliki Biełaruś pa Mahiloŭskaj vobłaści zaviedziena kryminalnaja sprava za machlarstva, ździejśnienaje ŭ asabliva bujnym pamiery. Zatrymanaj pahražaje pazbaŭleńnie voli da piatnaccaci hadoŭ z kanfiskacyjaj majomaści.
Darečy, žančyna była raniej nieadnarazova sudzimaja za machlarstva.
Hramadzianam, jakija majuć infarmacyju ab supraćpraŭnych dziejańniach padazravanaj, prośba źviarnucca pa teł. (022) 295-523, 295-518, 295-507 abo 102.