Niepadalok ad miažy ź Litvoj zatrymany mužčyna biez dakumentaŭ, jaki śćviardžaje, što jon źbieh ź biełaruskaj kalonii.
Uviečary 7 žniŭnia ŭ dvuch kilametrach ad miažy z Łatvijaj pamiežniki Smarhonskaha atradu zatrymali nieviadomaha mužčynu biez dakumentaŭ.
Jak paviedamili BiełaPAN u presavym centry Dziaržaŭnaha pamiežnaha kamitetu, pavodle słoŭ zatrymanaha, jon — litoviec, 1964 hodu naradžeńnia. Mužčyna taksama raskazaŭ, što ŭčyniŭ pabieh z vypraŭlenčaj ustanovy na terytoryi Biełarusi, dzie adbyvaŭ pakarańnie za ŭčynienaje złačynstva, praduhledžanaje č. 2. art. 174 Kryminalnaha kodeksu (uchileńnie baćkoŭ ad utrymańnia dziaciej albo ad spłačvańnia vydatkaŭ, patračanych dziaržavaj na ŭtrymańnie dziaciej, jakija znachodziacca na dziaržaŭnym zabieśpiačeńni).
Parušalnik zatrymany j źmieščany ŭ izalatar časovaha ŭtrymańnia. Pravodzicca raźbiralnictva.
