Padčas uborki ŭ transfarmatarnaj padstancyi zabiła tokam 31-hadovaha elektryka AAT «Žabinkaŭski cukrovy zavod». Mužčyna vyciraŭ pył z vysakavoltnych izalataraŭ, paviedamiła Tut.by aficyjny pradstaŭnik USK Maryna Drańkova.
11 maja mužčyna razam z majstram i inžynieram-naładčykam byŭ nakiravany na transfarmatarnuju padstancyju pablizu vioski Saki. Mužčyny pavinny byli padrychtavać technałahičnaje abstalavańnie dla pusku vady. Elektryk prybyŭ na abjekt raniej, čym jaho kalehi.
«Pa papiarednich źviestkach, tam rabočy, u parušeńnie techniki biaśpieki, staŭ pracirać ad pyłu vysakavoltnyja izalatary, jakija pieraŭtvarajuć mahutnaść elektryčnaha toku i znachodziacca pad napružańniem za achoŭnaj sietkaj. Padčas uborki jon atrymaŭ paražeńnie tokam, ad jakoha pamior na miescy», — paviedamili va USK.
Cieła zahinułaha znajšli kalehi. Žabinkaŭskim rajonnym adździełam Śledčaha kamiteta pravodzicca pravierka pa fakcie śmierci miascovaha žychara.
