Dyk jakuju ž vopratku my zusim chutka zmožam ubačyć u vitrynach našych kram?
U mužčynskaj naminacyi pieramahli adrazu dźvie kalekcyi, stvoranyja dyzajnierami Julijaj Akuła i Enam Enijakponam. I dziaŭčyna, i chłopiec zrabili akcent na spartyŭnaści i kamforcie.
Kalekcyja Julii Akuła.
Mužčynskaje adzieńnie vačyma Ena Enijakpona.
Najlepšaj žanočaj kalekcyjaj pryznali łuki ad tvorčaha tandema Aleny Karol i Alaksandra Špuntava. Jany vyrašyli apranuć kabiet u całkam čorny koler, razbaviŭšy jaho kakietlivymi stužkami i šnuroŭkaj. Vyhladała davoli hatyčna, zacanicie sami.
A voś takija kalekcyi byli ŭ inšych finalistaŭ konkursu.
Notki dzikaj pryrody ad Kaciaryny Barsukovaj.
Mužčynskija i žanočyja stroi, stvoranyja Valeryjaj Kapłan.
Madeli ŭ vobrazach dziaciej hałaktyki ad Viktoryi Karalčuk.
Žanočaja kalekcyja na kožny dzień ad Valanciny Niebarskoj.
Ramantyčnyja rečy-transformiery by Palina Šamiakina.
Uvohule ž z 11 pa 14 maja na Belarus Fashion Week byli pradstaŭleny bolš za 20 kalekcyj mužčynskaha, žanočaha i dziciačaha adzieńnia ad takich dyzajnieraŭ i brendaŭ jak Alena Goretskaya, BOITSIK, NAVY, ton-in-ton, Candy Lady, T.Efremova i mnohich inšych.
Šosty hod zapar arhanizatary BFW, akramia asnoŭnaj mety — abjadnać i papularyzavać dziejnaść tych, chto stvaraje sučasnuju biełaruskuju modu — imknucca rabić sacyjalny ŭniosak.
Ciapier adzin z asobnych prajektaŭ byŭ pryśviečany baraćbie sa ŚNIDam. U miežach akcyi «Fashion Aids Line» dyzajniery stvarali ŭbory z vykarystańniem aficyjnaha mižnarodnaha simvała baraćby z chvarobaj: čyrvonaj stužački, ale ź biełaruskim arnamientam.
