Tatuiroŭščyk z ZŠA Nejt Sihard prezientavaŭ tatuiroŭki, jakija«hučać». Ciapier luby achvotny moža «nabić» sabie hołas siabra abo ŭryvak ulubionaj pieśni.
Jak piša Tut.by sa spasyłkaj na Reuters, ideja prostaja — luby achvotny «zalivaje» zapis ulubionaj pieśni ci hołasu blizkaha čałavieka ŭ śpiecyjalny dadatak. Jon stvaraje ascyłahramu aŭdyjosihnału, i majstar pieranosić malunak na skuru. A dadatak u luby momant moža jaho prajhrać.
Pa słovach samoha Siharda, ideju takich tatuirovak padkazała jaho dziaŭčyna.
«Pieršaja padobnaja tatuiroŭka była zroblenaja paśla taho, jak ja nabiŭ zapis aŭdyjasihnału Tiny Dancer Ełtana Džona niekalkim siabram. Tady maja dziaŭčyna prapanavała — było b kruta, kali b ich možna było prymusić hučać. I ja zrazumieŭ, što zmahu heta zrabić. Ja stvaryŭ pratatyp i nabiŭ sabie tatuiroŭku z zapisam hołasu majoj kachanaj i našaj dački».
Mnohija klijenty źviartajucca da Siharda, kab «zapisać» hołas pamierłych blizkich. Naprykład siabar mastaka zrabiŭ tatuiroŭku z pažadańniem baćki, jaki pamior ad raku.
Dadatak stanie dastupny ŭ červieni, za samuju prostuju tatuiroŭku daviadziecca addać 150 dalaraŭ.
