Prajekt pa raźvićci viełaruchu ŭ Biełarusi pieramoh u konkursie EuropeAid, arhanizavanym ES. Dla jaho realizacyi pastupiła 560 tysiač jeŭra, paviedamili TUT.BY u niekamiercyjnaj ustanovie «Centr ekałahičnych rašeńniaŭ».
fota Siarhieja Hudzilina
Da realizacyi prajekta Centr ekałahičnych rašeńniaŭ i Minskaje rovarnaje tavarystva prystupili ŭžo z sakavika biahučaha hoda. U žniŭni 2019 hoda jon budzie zavieršany.
«Za 30 miesiacaŭ my praviadziom sacyjalna-ekanamičnuju acenku, jakaja pakaža, nakolki vyhadna budzie ŭładam raźvivać viełaruch u nas u krainie, — raspaviała namieśnik dyrektara centra Darja Čumakova. — U Minsku my stvorym infrastrukturu, jakaja dazvalaje ŭkaranić viełaruch u transpartnaje asiarodździe horada».
Dziakujučy prajektu ludzi zmohuć bolš aktyŭna vykarystoŭvać rovar dla svaich pieramiaščeńniaŭ pa stalicy, zručniej budzie dabracca da prypynkaŭ hramadskaha transpartu, dzie na śpiecyjalnaj pierachopnaj stajancy achvotnyja zmohuć pakinuć svoj rovar. Źjavicca mahčymaść pieravozki rovaraŭ i ŭ hramadskim transparcie — siońnia heta zrabić ciažka. Na vieładarožkach płanujecca ŭstalavać ličylniki, jakija buduć uličvać kolkaść ravarystaŭ
«Hetymi zadačami zojmiecca rabočaja hrupa, jakaja ciapier farmujecca. Dadatkova my stvorym elektronny infacentr i kartu viełamaršrutaŭ u biełaruskich haradach».
Darja Čumakova adznačyła, što ŭ akcyi buduć udzielničać i abłasnyja harady Biełarusi, a pry aktyŭnym udziele viełaamataraŭ mohuć być zadziejničanyja rajcentry.
