Maskoŭskaja palicyja vybačyłasia pierad baćkam 9-hadovaha chłopčyka, zatrymanaha napiaredadni ŭviečary na Vazdvižancy za čytańnie ŭsłych «Hamleta», paviedamiła advakat Taćciana Sałomina. Śledčy kamitet paviedamiŭ pra pačatak pravierki ŭ suviazi ź incydentam.
Advakat zajaviła, što pa dziejańniach palicejskich budzie praviedziena słužbovaja pravierka. Z boku MUS aficyjnych kamientaroŭ z nahody zatrymańnia chłopčyka nie pastupała.
«Dzicia doma. Baćku pryniesieny prabačeńni namieśnika načalnika palicyi pa achovie hramadskaha paradku MUS», — napisała Taćciana Sałomina ŭ «Tvitary».
Baćka chłopčyka Illa Skaŭronski u hutarcy z radyjostancyjaj «Hovorit Moskva» paćvierdziŭ, što palicejskija pierad im vybačylisia.
«Kiraŭnictva MUS pryniesła nam svaje prabačeńni. My pa faktach parušeńnia ŭ dačynieńni da nas budziem pravodzić usio, što naležyć pa zakonie. U dadzienym vypadku byli parušanyja prosta našy hramadzianskija pravy», - raspavioŭ baćka chłopčyka.
Siamja napisała skarhu na dziejańni palicyi, dadaŭ jon.
Advakat Sałomina taksama paviedamiła, što dziejańni supracoŭnikaŭ palicyi buduć pravierany, a pratakoł za nieprystojnyja vykanańnie baćkoŭskich abaviazkaŭ, składzieny na baćku chłopčyka, anulavany.
Upaŭnavažany pa pravach dziciaci Hanna Kuźniacova, kamientujučy situacyju ŭ siabie ŭ «Fejsbuku», paabiacała «abaviazkova va ŭsim razabracca».
