U paniadziełkavy efir «Biełaruś-1» biez tłumačeńnie pryčyn nie vyjšła zajaŭlenaje tok-šou «Forum ź Dźmitryjem Bačkovym». Heta adna ź niamnohich prahram, u nazvu jakoj było ŭklučanaje imia viadučaha. Aproč taho, Bačkoŭ byŭ viadučym «Panaramy» i «Hałoŭnaha efira».
Što ž adbyłosia?
Jak vyśvietliłasia, televiadučy sychodzić z BT. «Ja jašče kančatkova nie syšoŭ, ale ŭ pracesie, — patłumačyŭ «Biełaruskamu partyzanu» Dźmitryj Bačkoŭ. — Nadyšoŭ čas niešta źmianić».
Pa słovach viadučaha, jon maje nie tolki biełaruskija prapanovy dalejšaj pracy.
«Jość ceły nabor roznych faktaraŭ, jakija ŭ sukupnaści i pryviali da majho sychodu. Ale raźbirać kožny ź ich ja zaraz publična nie hatovy. Niama krytyčnaha supraćstajańnia pohladaŭ, hłabalnaha supraćstajańnia niejkaha. U apošni čas ja ŭ palityčnych prajektach nie byŭ zadziejničany — bolš zajmaŭsia sacyjalnymi spravami, vioŭ tok-šou «Forum», a ŭ hetuju śfieru, kali kazać ab cenzury, naohuł nichto asabliva nie ŭmiešvajecca», — raskazaŭ Bačkoŭ.
Na kankretnaje pytańnie, ci źviazany jaho sychod sa śpiecyfičnaj infarmacyjnaj palitykaj BT Bačkoŭ adkazaŭ tak: «Uskosna — moža być, ale napramuju — nie».
* * *
Miesca viadučaha «Foruma» Bačkoŭ zaniaŭ u kancy 2012 hoda paśla niečakanaha sychodu z kanała Dźmitryja Kościna.
A miesca ŭ «Panaramie» Bačkovu dastałasia paśla adjezdu ŭ Pieciarburh Juryja Kruhlika.
