Kampanija Google vyrašyła spynić skanavać źmiest listoŭ karystalnikaŭ Gmail dla piersanalizacyi rekłamy. Pra heta paviedamiła kiraŭnik vobłačnych servisaŭ kampanii Dajan Hryn.
Novaŭviadzieńnie pačnie dziejničać u 2017 hodzie (kankretnyja daty ŭ paviedamleńni nie nazvanyja).
Hryn adznačyła, što rašeńnie pryviadzie rekłamu ŭ Gmail u adpaviednaść z rekłamaj u inšych servisach, dzie jana zaležyć ad karystackich naładaŭ.
Skanavańnie listoŭ dla padboru piersanalizavanaj rekłamy vyklikała niezadavolenaść karystalnikaŭ. U 2014 hodzie Google paśla sudovaha pazovu adklučyła jaho ŭ adukacyjnaj viersii Google Drive. Jak piša The Verge, hetaja praktyka pieraškadžaje Google ŭ pracy z klijentami karparatyŭnaj viersii servisu, G Suit, choć tam jana taksama adklučanaja.
Jak piša Ars Technica, Google praciahnie skanavać listy karystalnikaŭ dla inšych metaŭ - u tym liku pošuku virusaŭ i filtra spamu.
