Vydańnie «Homielskaja praŭda» zładziła pramuju liniju z prakuroram Homielskaj vobłaści Viktaram Marozavym. Padčas razmovy Marozaŭ vykazaŭsia nakont zabarony ałkaholu padčas vypusknych i paraiŭ chavać ałkahol u kramach.
Viktar Marozaŭ. Fota - «Homielskaja praŭda»
«Paśla tych ža vypusknych viečaroŭ, padčas jakich śpirtnoje nie pradavali, nie było zarehistravana nijakich incydentaŭ. A kali pahladzieć u minułaje, to było inakš. Padobnyja akcyi — suśvietnaja praktyka, — skazaŭ Marozaŭ. — Ale sprava ŭ inšym. Ałkahol siońnia dastupny kruhłasutačna, u kramach jon vystaŭleny na bačnych miescach. Čamu plaški nielha schavać, kab śpirtnoje nie bačyli tyja ž dzieci? Bo niešta padobnaje ciapier adbyvajecca z tytuniovymi vyrabami. Malaŭničych etykietak na pačkach z cyharetami ŭžo niama, usio schavana za vitryny, a dla pakupnikoŭ dastupny tolki asartymient u vyhladzie śpisu».
