U miežach prajektu «(Nie) rasstralanaja paezija», jaki ładzić partał TuzinFM.by, pabačyć śviet seryja z 12 «maŭklivych knihaŭ» z vyjavami i cytatami biełaruskich piśmieńnikaŭ, jakija byli rasstralanyja ŭ 1937 hodzie.
Fota z fejsbuka Kaciaryny Pikireni.
«Maŭklivyja knihi» — heta dyzajnerskija natatniki, jakija raspracavała Kaciaryna Pikirenia. U minułym jana była dyrektaram kniharni «Łohvinaŭ», a ciapier vučycca na hrafičnaha dyzajnera ŭ praskim adździaleńni brytanskaha Teesside University dy azdablaje knihi vydaviectva «Łohvinaŭ». Svoj prajekt jana prezentavała ŭžo ŭ jakaści dyplomnaj pracy i atrymała najvyšejšuju adznaku. «Hałoŭnaja ideja «maŭklivych knihaŭ» — dać adčuć pierajemnaść, suviaź pakaleńniaŭ, toje, što my možam padchapić niavykazanyja i nienapisanyja słovy tych, čyj tvorčy palot abarvali», — kaža Kaciaryna.
Da vydańnia ŭžo hatovaja seryja z 12 «maŭklivych knihaŭ». Na kožnaj ź ich budzie imia, stylizavany partret rasstralanaha tvorcy, cytata ź jahonaha tvoru, a ŭ siaredzinie, siarod čystych staronak — piesieńnik, teksty ŭsich kampazycyj, jakija ciapier stvarajuć muzyki ŭ miežach prajektu «(Nie) rasstralanaja paezija».
Natatniki buduć nadrukavanyja abmiežavanym nakładam. Najpierš ich atrymajuć tyja, chto padtrymaje prajekt «(Nie) rasstralanaja paezija» na Talaka.by.
