Kampanija Moon Express stała viadomaja hramadskaści paśla taho, jak pryniała ŭdzieł u konkursie Google Lunar Xprize, pieramožca jakoha atrymaje ad pošukavaha hihanta $20 miljonaŭ. Na siońnia mienavita hetaj kampanii pradkazvajuć pieramohu ŭ konkursie. Adnoj z abaviazkovych umovaŭ konkursu źjaŭlajecca stvareńnie ŭłasnaha miesiacachoda i adpraŭka jaho na spadarožnik Ziamli da kanca 2017 hoda. Mienavita tamu Moon Express płanuje ŭ najbližejšy čas ažyćciavić svoj prajekt, jaki składajecca ź niekalkich kaśmičnych misij. Hetaja kampanija stała pieršaj, jakaja atrymała ad urada ZŠA aficyjny dazvoł na pasadku na pavierchniu Miesiaca.
Pieršaja misija nosić nazvu «Lunar Scout». Padčas jaje kampanija adpravić na Miesiac niekalki hruzaŭ, jakija ŭklučajuć Mižnarodnuju miesiacovuju absiervatoryju, a taksama niekalki navukovych instrumientaŭ, jakija źjaŭlajucca častkaj daśledčaj prahramy «Moonlight». Heta dazvolić raźličyć košt i efiektyŭnaść dastaŭki hruzaŭ ź Ziamli da Miesiaca. Druhim etapam prajekta stanie misija pa daśledavańni paŭdniovaha polusa Miesiaca. Tam płanujecca ŭstalavać daśledčy post, asnoŭnaj metaj jakoha budzie pošuk vady i kaštoŭnych minierałaŭ.
Treciaja ekśpiedycyja budzie samaj maštabnaj. Mienavita z hetaha momantu kampanija płanuje pačać zdabyvać miesiacovyja resursy dla ich nastupnaha prodažu. U chodzie misii płanujecca dastavić pieršyja ŭzory miesiacovaj parody nazad na Ziamlu.
