U sieradu, 27 žniŭnia, na barysaŭskim haradzkim stadyjonie projdzie ŭ adkaz 3‑ha raŭndu Lihi čempijonaŭ pamiž BATE i safijskim «Leŭskim».
Tranślacyja na telekanale «Ład». Pačatak a 18:55.
U pieršym matčy dva tydni tamu barysaŭski klub u haściach vyjhraŭ 1:0, i ciapier padapiečnym Viktara Hančarenki dastatkova nie prajhrać.
I BATE, i «Leŭski» nastrojeny pa‑bajavomu. Hałoŭny trenier baŭharaŭ Emił Vieleŭ zajaviŭ, što jahony klub vyjhraje i trapić u hrupavy turnir Lihi čempijonaŭ.
Nivodzin biełaruski klub jašče nie vystupaŭ u hrupavym turniry.
Losavańnie hrupovaha turniru projdzie ŭ hety čaćvier u Monte‑Karła. Žyvaja tranślacyja na 19‑j na kanale Eŭrasport.
Kali ŭ hrupavy turnir trapić BATE, to barysaŭski klub budzie pasiejany ŭ čaćviertym košyku. Heta značyć, što da jaho ŭ hrupu trapić pa adnym klubie ź pieršaha, druhoha, treciaha košyku.
U pieršym košyku - pieramožca minułaj Lihi čempijonaŭ
«Mančestar Junajted», «Čełsi», «Arsenał», «Liverpul», «Reał», «Barselona», «Inter», «Lijon».
Heta aznačaje, što niechta z hetych kamand moža pryjechać u Miensk. Naturalna, kali BATE prabjecca ŭ hrupavy turnir.
U druhim košyku, siarod inšych, «Bavaryja», PSV, «Roma», «Juventus», «Portu» dy inš.
Vychad u finalnuju stadyju Lihi čempijonaŭ — heta mara futbalistaŭ i klubaŭ, jakim heta daje šaniec na miljonnyja kantrakty, i mroja amataraŭ futbołu, jakija prahnuć pabačyć u Miensku ekstrakluby.