Pra heta piša sajt HUUS Minharvykankama.
Ranicaj 25 lipienia ŭ milicyju patelefanavali žychary doma pa vulicy Prytyckaha i paviedamili, što na trecim paviersie mužčyna doŭhi čas staić na bałkonie, pieryjadyčna sprabujučy pieraleźci praz parapiet.
Supracoŭnikam milicyi, jakija pryjechali pa vykliku, mužčyna paviedamiŭ, što choča skončyć žyćcio samahubstvam. Staršy opierupaŭnavažany adździaleńnia vyšukovaj pracy adździeła kryminalnaha vyšuku Frunzienskaha RUUS h.Minska padpałkoŭnik milicyi Alaksandr Puzyreŭski pačaŭ dyjałoh ź im. Śpiecyjalistu ŭdałosia znajści kantakt z mužčynam, pierakanać jaho prajści ŭ kvateru, adkryć milicyjantu dźviery i praciahnuć hutarku.
«Padčas razmovy 33-hadovy mužčyna raskazaŭ pra składanuju žyćciovuju situacyju, jakaja i padšturchnuła jaho na hety adčajny ŭčynak, - raspavioŭ Alaksandr Puzyreŭski. - U kvatery jon znachodziŭsia adzin. U toj momant było važna zrazumieć jaho i rastłumačyć, što taki ŭčynak - nie mietad vyrašeńnia prablemy».
