20 traŭnia kala kinateatru «Kastryčnik» adbyŭsia pikiet viernikaŭ-katalikoŭ suprać pakazu filma Rona Chaŭerda «Kod da Vinčy», źniataha pavodle adnajmiennaha ramanu Dena Braŭna.
Udzieł u pikiecie pryniali kala 10 čałaviek. Udzielniki tłumačyli, što meta ichnaha pikietu nie zabarona filmu, a pratest suprać abrazy Bohu, naniesienaj hetym tvoram. Milicyjant, jaki padyšoŭ da pikietu, pastaviŭsia da patrabavańniaŭ viernikaŭ z razumieńniem i razhaniać nia staŭ. Administratarka kinateatru Alena Lichačova, u svaju čarhu, zajaviła, što takija dziejańni tolki pryciahnuć dadatkovuju ŭvahu da filmu. Vierniki majuć ładzić pikiety pierad pačatkam kožnaha seansu «Koda da Vinčy».
U kasie kinateatru ŭžo vykuplenyja kvitki na zaŭtrašnija seansy. Razam z tym kala kasaŭ visić abviestka, u jakoj hledačam tłumačycca, što film źniaty na asnovie «fantastyčnaha ramanu Dena Braŭna».
Fota Andreja Lankieviča
