12 žniŭnia ŭ Łošyckim parku projdzie druhi A-Fest — fiestyval jeŭrapiejskaha adpačynku «piva i ježy». U hetym hodzie Minsk adznačaje svajo 950-hodździe, i subotni fest stanie «pre-paci» śviata horada, na jakim prahučać hałasy jeŭrapiejskich zorak — Džona Ńjumana, De-Phazz, Maryi Čajkoŭskaj — i ŭsich minčukoŭ. Fiška novaha A-Fest stanuć try placoŭki dla karaokie-piknika, dzie naviedvalniki mohuć vykanać jeŭrapiejskija chity i pieśni na biełaruskaj movie, u tym liku vybuchovy «Despacito» z «našym» kałarytam.
Akramia chedłajnieraŭ A-Fest, Džona Ńjumana, De-Phazz i Maryi Čajkoŭskaj, na scenu ŭ Łošyckim parku vyjduć biełaruskija rokiery Akute i Intelligency. Dla ŭsich naviedvalnikaŭ arhanizatary fiestyvalu adkryjuć try karaokie-palany, dzie možna prajavić siabie — vykanać suśvietnyja chity roznych epoch («Minsk Sounds»), lepšyja kampazicyi na biełaruskaj movie («Minsk hučyć») abo pračytać z vyrazam teksty piesień jak vieršy («Minsk havoryć»).
«Naša Niva» ŭžo pisała pra placoŭku «Minsk hučyć», dzie ŭ režymie non-stop prahučać hałoŭnyja pieśni Biełarusi — ad «Kupalinki» i «Alesi» da «Prostych słovaŭ» i «Haściej». Kampazicyi na rodnaj movie praśpiavajuć navat tyja, chto da hetaha mała cikaviŭsia biełaruskaj estradaj. Śpiecyjalna dla A-Fest Illa Malinoŭski, žurnalist «Jeŭraradyjo» i viadučy rok-karaokie, padzialiŭsia pierakładami suśvietnych chitoŭ i studyjnymi fanahramami.
— Ja sam nie zajmajusia pierakładam piesień, ale ŭžo piać hod ładžu rok-karaokie i sabraŭ kala 30 suśvietnych chitoŭ pa-biełarusku, napeŭna, stolki ž tekstaŭ možna znajści ŭ siecivie, — raspaviadaje Illa Malinoŭski. — Ja znajomy z paetami i muzykami, jakija rabili biełaruskija viersii viadomych piesień, i źviartaŭsia da ich pa hetyja teksty. Naprykład, Andrej Makarevič śpiecyjalna pryjazdžaŭ u Minsk, kab zapisać «Śnieh», a paet Andrej Chadanovič pierakłaŭ na rodnuju movu «Famous Blue Raincoat» i inšyja kampazicyi Leanarda Koena.
Na biełaruskuju movu pierakładzieny i hatovyja prahučać na A-Fest pieśni Depeche Mode «Personal Jesus», The Beatles «Hey Jude», The Eagles «Hotel California, No Doubt «Don't Speak» i inšyja.
— Usie teksty ja praviaraju, kab jany dobra kłalisia na muzyku i hučali na biełaruskaj całkam abo dublem, kali adzin kavałak na anhlijskaj, druhi — u pierakładzie. Jość šmat vydatnych «našych» tekstaŭ «Bitłz», ich vykonvajuć u karaokie, choć i nie časta, — praciahvaje Illa Malinoŭski. — Ja pryncypova vybiraju rok-muzyku i jakasnyja fanahramy, jakija treba zamaŭlać abo kuplać. Heta realnyja studyjnyja zapisy, tolki biez vakału. Tak, u mianie mała ruskaha roka, bo znajści takija fanahramy vielmi składana.
U čakańni fiestyvalu biełarusy dałučylisia da fłeš-mobu i pierakładajuć na rodnuju movu «Despacito» — vybuchny rehieton, jaki za paŭhoda nabraŭ na Youtube rekordnyja 3 młrd prahladaŭ. «Pamiarkoŭny», «Biez karyta», «Bulbanita» i navat «Parazita» — biełarusy adčuli chit leta i svaju traktoŭku prapanavali navat tyja, chto nie razmaŭlaje pa-ispansku.
U Łošyckim parku na karaokie-scenu zmohuć vyjści ŭsie, navat tyja, chto saromiejecca śpiavać u hołas. Dla ich padrychtavali palanu «Miensk havoryć», dzie možna pračytać lubimyja pieśni jak vieršy abo emacyjna vystupić ź lubimym liryčnym tvoram biełaruskaha aŭtara.
Darečy, u hetym hodzie A-Fest stanie bolš raznastajnym i najednym: adkryjuć try tematyčnyja zony, pryśviečanyja 950-hodździu Minska, fudkort z 65 restaranami, praviaduć «Mazhabojniu» na travie i kvest ad muzieja «Alivaryi». Uvachod na fiestyval volny, a dla ŭdziełu ŭ karaokie-pikniku spatrebicca papiaredniaja rehistracyja.
Prapanujem repietycyju karaokie-piknika na A-Fest — «narodny» pierakład chita «Despacito». Śpiavajcie i prychodźcie!
Despacito Luis Fonsi & Daddy Yankee ¡Ay! Ohhh Diridiri dirididi Daddy [Luis Fonsi:] [Luis Fonsi:] [Daddy Yankee:] [Luis Fonsi:] Des-pa-cito [Daddy Yankee:] | Pamiarkoŭny Lavon & Dziadźka Janka Ej! Oj nie Dziadźka, [Lavon] Čuješ, ab čym ja maru ŭžo kolki hod zapar? [Dziadźka Janka] [Lavon] Pa-miar-koŭ-ny [Dziadźka Janka]
|
Prahrama fiestyvalu A-Fest
Hałoŭnaja scena
12:00 — 12:40 By Street Jazz
12:50 — 13:20 Pasha Green
13:35 — 14:15 Dzie Mora?
14:30 — 15:20 Intelligency
15:40 — 17:00 Hanna Šalucina & Yogurt Band
17:15 — 18:15 Akute
18:30 — 19:30 Maryja Čajkoŭskaja
20:00 — 21:00 De-Phazz
21:30 — 22:30 John Newman
Palana №1 Minsk hučyć
13:00 — 14:00 bitva karaokie-kłubaŭ
14:00 — 14:30 konkurs «Pieraśpiavaj Džona Ńjumana»
14:30 — 15:30 karaokie-batł zornych dvajnikoŭ
15:30 — 16:30 śpiavajem z zorkami fiestyvalu
16:00 — 17:00 karaokie-batł — niečakanyja duety
Palana №2 Minsk hučyć
13:00 — 14:00 karaokie-batł — našy pieśni BY/RU
14:00 — 14:30 karaokie-batł — niečakanyja duety
14:30 — 15:30 śpiavajem z zorkami fiestyvalu
15:30 — 16:30 karaokie-batł — śpiavaje suśvietnyja chity na movie
16:30 - 17:00 TOP-10 piesień Biełarusi ŭsich časoŭ
Palana №3 Havoryć Minsk
13:00 — 14:00 konkurs čytalnikaŭ: čytajem pieśni i vybirajem samaha emacyjnaha vykanaŭcu
14:00 — 15:00 karaokie-batł dla tych, u kaho ni słychu, ni hołasu
15:00 — 17:00 muzyčny kviz «Hałoŭnyja pieśni ab hałoŭnym»