17 žniŭnia Vilenski aeraport adnaŭlaje pracu paśla 35-dzionnaj rekanstrukcyi ŭźlotna-pasadačnaj pałasy, paviedamlaje Delfi.lt
U adkryćci aeraporta voźmie ŭdzieł ministr transpartu i kamunikacyj Litvy Rokas Masiulis, staršynia praŭleńnia łatvijskaj kampani, jakaja ažyćciaŭlała rekanstrukcyju, Vałdzis Lejnijek, a taksama kiraŭnictva dziaržpradpryjemstva «Litoŭskija aeraporty», u padparadkavańni jakoha znachodziacca aeraporty Vilni, Kaŭnasa i Kłajpiedy.
Pieršy samalot pavinien pryziamlicca ŭ Vilni ŭ piatnicu nočču, a pieršy samalot sa stalicy Litvy ŭ piatnicu ranicaj vylecić u Varšavu.
U suviazi z rekanstrukcyjaj pałasy ŭ Vilni bolšaść palotaŭ z 14 lipienia było pieraniesiena ŭ Kaŭnas, dzie za hety pieryjad było absłužana kala 370 tys. avijapasažyraŭ i prykładna 3,5 tys. rejsaŭ.