Samalot An-2 raźbiŭsia ŭ Bałašysie pad Maskvoj padčas avijašoŭ, vykonvajučy pakazalny palot. Pra heta TASS paviedamili ŭ ekstranych słužbach.
«Samalot na nizkaj vyšyni vykonvaŭ pakazalny palot. Piłot nie spraviŭsia z kiravańniem, u vyniku An-2 upaŭ. Dva čałavieki, jakija znachodzilisia na borcie, zahinuli», - skazała krynica.
Pry ŭdary ab ziamlu samalot zahareŭsia.
U ekstranych słužbach paviedamili, što asnoŭnaja viersija krušeńnia An-2 - pamyłka ekipaža pry vykanańni fihury vyšejšaha piłatažu. «Piłoty pakazvali fihury vyšejšaha piłatažu. Pry vykanańni miortvaj piatli, mahčyma, była dapuščana pamyłka, piłot nie spraviŭsia z kiravańniem, i samalot upaŭ», - skazała krynica.
Na ziamli achviar i razbureńniaŭ niama, nichto z hledačoŭ nie paciarpieŭ. Avijašoŭ pravodziłasia na aeradromie Čornaje DTSAAF. Pakazalnyja vystupleńni byli prymierkavany da 70-hodździa An-2.
