CHDS/CHSS nabiraje na vybarach u Niamieččynie 33%. Sacyjał-demakraty sabrali 20% — heta ich najhoršy vynik za ŭsie paślavajennyja časy.
8 apošnich hadoŭ chadeki i sacdemy kiravali Niamieččynaj razam, pryčym CHDS ihrała pieršuju skrypku.
11% nabrali svabodnyja demakraty i 9% — «zialonyja». Hetyja partyi, imavierna, składuć nastupnuju kiroŭnuju kaalicyju razam z chryścijanskimi demakratami Mierkiel. Pa kolerach partyj takuju kaalicyju ŭžo prazvali «Jamajkaj». Libierały adstojvajuć svabodu biznesu, heta maksimalna prarynkavaja partyja. Zialonyja ž vystupajuć za achovu pryrody, heta taksama maksimalna libieralnaja partyja ŭ pytańniach sacyjalnych.
Takim čynam, heta moža być kaalicyja libierałaŭ i kansiervataraŭ. Usie hetyja partyi vystupajuć za jeŭrapiejskaje adzinstva.
Libierały schilnyja da narmalizacyi adnosinaŭ z Rasiejaj dziela biźnies-vyhad. Zialonyja ž, naadvarot, pałymiana adstojvajuć pryjarytet pravoŭ čałavieka ŭ mižnarodnaj palitycy.
Ź vialikaj imaviernaściu, Mierkiel zastaniecca kanclerkaj Niamieččyny na 4-y termin. Heta značyć, jana paŭtoryć histaryčny rekord Konrada Adenaŭera, jaki adbudavaŭ Hiermaniju paśla nacyzmu, i Hielmuta Kola, jaki abjadnaŭ niemcaŭ u čas razvału SSSR.
Ultrapravaja i źviazanaja z Maskvoj «Alternatyva dla Hiermanii» nabrała 13% i prachodzić u parłamient, śviedčać dadzienyja ekzit-połaŭ. Heta — treciaje miesca. Ultrapravyja prajšli ŭ parłamient upieršyniu paśla razhromu nacyzmu.
Lidar ultrapravych u zvarocie paśla abviaščeńnia vynikaŭ ekzit-połaŭ paraiŭ kiroŭnaj kaalicyi apranacca jak najciaplej. «My vyhanim frau Mierkiel», — skazaŭ Jorh Miojten.
Jašče adna źviazanaja z Rasijaj partyja — Die Linke, ultralevyja — sabrała 9% hałasoŭ.
Drukujecca ŭ miežach śpiecyjalnaj rubryki «Naviny Hiermanii»
