Kiraŭnik Čačenskaj Respubliki Rasijskaj Fiederacyi Ramzan Kadyraŭ padkreśliŭ cikavaść da raźvićcia supracoŭnictva ź Biełaruśsiu i adznačaje najaŭnaść vialikaj pavahi siarod žycharoŭ Kaŭkazskaha rehijonu da biełaruskaha lidara.
Pra heta jon zajaviŭ siońnia na sustrečy z Alaksandram Łukašenkam, paviedamlaje BiełTA
«Ja, možna skazać, maryŭ pra asabistuju sustreču z vami. Bo ŭsie hetyja hady, jak vy tolki što skazali, my adčuvali i adčuvajem padtrymku. Na Kaŭkazie vas vielmi mocna pavažajuć, lubiać za vašu adnaznačnuju pazicyju. Za toje, što vy budujecie dziaržavu, abaraniajecie intaresy svajho naroda na vyšejšym uzroŭni. Nam nie abyjakavaja vaša kraina. I našy krainy daŭno źviazvajuć siabroŭskija braterskija adnosiny», — skazaŭ Ramzan Kadyraŭ.
«U respublicy jak daviedalisia, što ja jedu, usie — maładyja, staryja: «Baćku vialikaje pryvitańnie pieradajcie! My zaŭsiody adčuvajem padtrymku, usie jahonyja vystupy słuchajem». Tamu ja pieradaju vam pryvitańnie ad našych hramadzian - moładzi, starejšyn. Jany vielmi vas lubiać i pavažajuć», — skazaŭ Ramzan Kadyraŭ.
Jon taksama padkreśliŭ, što Čačenskaja Respublika - samy biaśpiečny rehijon u Rasii, dzie ŭ poŭnaj miery pieramahli teraryzm. «Absalutna spakojnaja terytoryja, kudy siońnia jeduć sotni tysiač turystaŭ z Amieryki, Kitaja, Japonii. Kali vy pryjedziecie, heta dla nas budzie samym vialikim śviatam», - padkreśliŭ jon.
