Jak stała viadoma «Kommiersantu», hałoŭnaje vajennaje śledčaje ŭpraŭleńnie SK Rasii rasśleduje kryminalnuju spravu ab rekordnym u historyi Minabarony Rasii chabaru.
Z sudovych dakumientaŭ vynikaje, što načalnik adździeła tiechzabieśpiačeńnia charčovaha ŭpraŭleńnia vajennaha viedamstva pałkoŭnik 46-hadovy Alaksandr Vakulin za 368 miljonaŭ rasijskich rubloŭ (kala 6,5 młn dalaraŭ). spryjaŭ zaklučeńniu ź Minabaronaj kantraktaŭ na nabyćcio kuchniaŭ, piakarań, cysternaŭ i inšaj śpiectechniki, pry vykanańni jakich byli ździejśnienyja bujnyja kradziažy, a taksama abiacaŭ ahulnaje zastupnictva kamiersantam, jakija ŭdzielničali ŭ ich vykanańni.
Vakulinu inkryminujecca asabliva bujnoje machlarstva (č. 4. art. 159 KK RF) i atrymańnie chabaru ŭ asabliva bujnym pamiery (č. 6 art. 290 KK RF), jon źmieščany SIZA da 29 kastryčnika.
Jaho advakaty abskardzili hetuju pastanovu ŭ Maskoŭskim akruhovym vajennym sudzie. Pry hetym jany spasyłalisia na toje, što ŭ materyjałach śledstva niama realnych dadzienych ab tym, što pałkoŭnik Vakulin moža schavacca ad śledstva abo suda i zajmacca złačynnaj dziejnaściu. Adpaviednyja apieratyŭnyja dadzienyja, jakija dazvolili aryštavać pałkoŭnika Vakulina, jak miarkujuć abaroncy, «nie paćviardžajucca peŭnymi źviestkami».
Adnak akruhovy sud, adchiliŭšy skarhu abarony, padkreśliŭ, što spadar Vakulin abvinavačvajecca adrazu ŭ dvuch ciažkich złačynstvach, a ŭsie dadzienyja pra jaho asobu, miesca pracy i siamiejnaje stanovišča byli uličany harnizonnym sudom pry aryšcie.
