Na pieršy pohlad, heta daloka ad hieapalityki: try štaty na samym poŭdni Brazilii. Ni nafty, ni hazu, ni stratehičnaha stanovišča. Sonca, pavietra, akijan — ničoha cikavaha.
Ale «probnik», darečy, u ich užo jość. U 2016 hodzie aktyvisty apytali 500 tysiač čałaviek i atrymali 95% za vychad z Brazilii.
Z tych časoŭ, nie sumniavajucca inicyjatary pieršaha łacinaamierykanskaha «ekzitu», takija nastroi tolki ŭzmacnilisia. I heta nie try miljony, jak u Irakskim Kurdystanie. I navat nie siem, jak u Katałonii. Nasielnictva troch štataŭ — heta čatyry Katałonii.
Fota: wikipedia.org
Prychilniki plebiscytu kažuć, što ich terytoryja z samymi vysokimi dachodami ŭ krainie praź niespraviadlivaje raźmierkavańnie padatkaŭ u Brazilii niasie adny straty.
«Biudžetnaja dyskryminacyja adsyłaje nas amal na ŭzrovień niebyćcia», — adpracoŭvaje pakul na žurnalistach ahitacyjnyja repryzy lidar ruchu adździaleńnia Siełsa Deŭšer. Dla jaho «adździalicca» — značyć «adčapicca». I tut užo biez usiakaje nacyjanalnaje samaśviadomaści abo histaryčnych pieradumovaŭ.
«Poŭdzień — maja kraina» («O Sul é o Meu País») — sieparatyscki ruch u Brazilii, jaki z momantu svajho zasnavańnia ŭ 1992-m prapahanduje ideju niezaležnaści ad Brazilii, śćviardžajučy, što paŭdniovy rehijon krainy maje peŭnyja asablivaści, i jamu nie vydzialajecca dastatkovaha finansavańnia, chacia dachody tam adnyja z najvyšejšych pa krainie.
Ściah sieparatysckaha ruchu.
