Maryjana Rachoj, La Moncloa
Ułady Ispanii zapatrabavali ad katałonskich uładaŭ rastłumačyć, što aznačaje padpisanaja 10 kastryčnika i tut ža prypynienaja dekłaracyja ab niezaležnaści, a taksama papiaredzili, što mohuć zadziejničać 155-y artykuł Kanstytucyi, jaki dazvalaje Madrydu ŭvieści pramoje kiravańnie ŭ aŭtanomii, piša Bi-bi-si.
Premjer-ministr Ispanii Maryjana Rachoj zajaviŭ, što ŭrad karaleŭstva źviarnuŭsia da rehijanalnaha ŭrada za tłumačeńniem taho, abviaściŭ jon ci nie abviaściŭ niezaležnaść. Tłumačeńni pavinny być dadzienyja da 10 ranicy 16 kastryčnika.
Ułady Ispanii taksama adkinuli mahčymaść pieramovaŭ i nazvali praviadzieńnie 1 kastryčnika refierenduma ab niezaležnaści ŭ aŭtanomii pravałam.
Katałonskija lidary padpisali viečaram aŭtorka dekłaracyju ab niezaležnaści, ale prypynili jaje ažyćciaŭleńnie na čas pieramovaŭ z centralnymi ŭładami. Adnak Madryd adchiliŭ dekłaracyju niezaležnaści Katałonii i lubuju mahčymaść pieramoŭ.
«Kab naviazać svoj prajekt, im treba nackoŭvać adnych katałoncaŭ na inšych. Pierad pahrozaj dziaržaŭnaha pieravarotu adkaz uradu byŭ praparcyjnym i poŭnym», - zajaviŭ Rachoj padčas vystupu ŭ parłamiencie.
***
90% z 2,3 młn katałoncaŭ, jakija pryjšli na niepryznany i zabaronieny Madrydam refierendum, prahałasavali 1 kastryčnika za adździaleńnie ad Ispanii. Jaŭka pry hetym, pa dadzienych katałonskich uładaŭ, skłała 43%.
