Fota z sajta BHK.
Brescki handbolny kłub imia Miaškova ŭ šostym tury Lihi čempijonaŭ doma ŭ dramatyčnaj kancoŭcy prajhraŭ niamieckamu «Kilu», pieradaje karespandent BIEŁTA.
U Brest adzin z najmacniejšych kłubaŭ bundeślihi prybyŭ nie ŭ aptymalnym składzie, u zajaŭcy adsutničali niekalki klučavych hulcoŭ. Tym nie mienš, hości akazali haspadaram hodny supraciŭ.
Na pieršym časie «Kil» adčuvaŭ ciažkaści ŭ atacy i hulaŭ druhim numaram. Ale da 10-j chvilinie niamieckaja kamanda vyjšła napierad. Kali razryŭ dasiahnuŭ troch miačoŭ, hałoŭny trenier BHK Siarhiej Biabieška ŭziaŭ tajm-aŭt i pamianiaŭ taktyku abarony z 5-1 na 6-0. Takoje rašeńnie pryniesła vynik. U kancoŭcy pieršaj pałovy sustrečy bieraściejcy zraŭniali lik i viarnuli sabie pieravaha. Za siekundu da śvistka na pierapynak na tabło zahareŭsia lik 14:12 na karyść «miaškoŭcaŭ».
Pačatak druhoha tajma atrymaŭsia pravalny dla BHK: u bolšaści bresckija handbalisty razhubili svaju pieravahu. Da 40-j chviliny haspadary viarnulisia ŭ hulniu i znoŭ zraŭniali lik. Taki charaktar hulni zachoŭvaŭsia praciahły čas, ale za 10 chvilin da zakančeńnia pajadynku hulcy BHK zdali pazicyi. «Kil» upeŭniena lidziravaŭ z roźnicaj u čatyry miačy. «Miaškoŭcam» udałosia sabracca, i jany vydali fiejeryčny handboł. Na žal, davieści hulniu choć by da ničyjoj im nie ŭdałosia. U vyniku Brescki handbolny kłub minimalna sastupiŭ supiernikam — 24:25. Hety pajadynak byŭ vyznačany Jeŭrapiejskaj fiederacyjaj handboła matčam tydnia. Svaju nazvu jon całkam apraŭdaŭ.
Nastupnuju hulniu ŭ Lizie čempijonaŭ BHK znoŭ praviadzie doma. Na placoŭcy Pałaca sportu «Viktoryja» bieraściejcy 11 listapada prymuć jašče adnaho reprezientanta bundeślihi — «Flensburh».
