Reuters.com
Aŭtar dvuch dakładaŭ pra rasijskuju dziaržaŭnuju dopinh-prahramu, kiraŭnik niezaležnaj kamisii Suśvietnaha antydopinhavaha ahienctva (WADA) Ryčard Makłaren miarkuje, što Mižnarodny alimpijski kamitet pavinien prymianić da Rasii kalektyŭnyja sankcyi. Pra heta jon zajaviŭ u intervju haziecie Sport-Ekspriess.
Adkazvajučy na pytańnie pra dopusk rasijskaj zbornaj da Alimpijady-2018 u Pchienčchanie, Makłaren skazaŭ, što «tut pavinna być prymieniena niejkaja kalektyŭnaja sankcyja». Jon rastłumačyŭ, što, na jaho dumku, «sankcyi pavinny raspaŭsiudžvacca nie tolki na kankretnych spartsmienaŭ, jakija byli abvinavačanyja ŭ parušeńniach praviłaŭ na Hulniach u Sočy».
«Heta vielmi składanaje pytańnie. Dziakuj Bohu, vyrašać jaho nie mnie, a MAK», - udakładniŭ jon.
Praz tydzień u Łazanie budzie pryniata rašeńnie ab udziele rasijskich spartsmienaŭ u zimovych Alimpijskich hulniach 2018 hoda.
12 listapada hienieralny dyrektar WADA Aliŭje Nihli zajaviŭ, što niazhoda z vysnovami z dakładu niezaležnaj kamisii pad kiraŭnictvam Ryčarda Makłarena pieraškodzić rasijskim spartsmienam trapić na Alimpijskija hulni 2018 hadoŭ ŭ Pchienčchanie.
