MUS vystupiła ź inicyjatyvaj ab paŭsiudnym užyvańni šłahbaumaŭ na čyhunačnych pierajezdach. Pra heta zajaviŭ načalnik UDAI MUS Biełarusi Dźmitryj Karziuk, paviedamlaje Biełta.
«Ministerstva ŭnutranych spraŭ vystupiła ź inicyjatyvaj pierad kiraŭnictvam Mintransa ab paŭsiudnym užyvańni na pierajezdach šłahbaumaŭ ci inšych zaharadžalnych pryład, a taksama ŭładkavańni na padychodach da pierajezdaŭ štučnych niaroŭnaściaŭ. Razam z hetym padraździaleńni DAI rehularna kantralujuć vykanańnie patrabavańniaŭ PDR na pierajezdach. U biahučym hodzie vyjaŭlena bolš za dźvie tysiačy takich parušeńniaŭ», — raspavioŭ Dźmitryj Karziuk.
Za 11 miesiacaŭ u krainie adbylisia 4 ciažkich DTZ na pierajezdach, u jakich 9 čałaviek zahinuli i 2 atrymali ranieńni. «Varta ŭzhadać pra zdareńnie ŭ vieraśni na pierajeździe ŭ Ivanaŭskim rajonie Bresckaj vobłaści, dzie zahinuli 5 čałaviek, u tym liku 3 małaletnich dziciaci, — skazaŭ Dźmitryj Karziuk. — Pryčyna avaryi — hrubaje parušeńnie praviłaŭ darožnaha ruchu kiroŭcam. Adnak my razumiejem: kali b hety pierajezd byŭ abstalavany šłahbaumam ci inšymi abmiežavalnymi kanstrukcyjami, trahiedyi, chutčej za ŭsio, možna było b paźbiehnuć».
Ciapier patrabavańni da ŭładkavańnia čyhunačnych pierajezdaŭ ŭtrymlivajucca ŭ techničnym kodeksie ŭstalavanaj praktyki TKP 543-2014 «Čyhunačnyja pierajezdy. Praviły prajektavańnia, uładkavańnia i ekspłuatacyi».
Zhodna z hetym dakumientam, pierajeznymi šłahbaumami pavinny być abstalavanyja: pierajezdy I i II katehoryi (z vysokaj intensiŭnaściu ruchu ciahnikoŭ i (abo) aŭtamabilaŭ), raźmieščanyja na učastkach čyhunačnaha šlachu z ustalavanymi chutkaściami ruchu ciahnikoŭ zvyš 140 km/h. Hetyja patrabavańni pradjaŭlajucca, kali pierajezd maje bolš dvuch hałoŭnych šlachoŭ abo niezdavalniajučyja ŭmovy bačnaści.
