Fota AP.
ZŠA zrabili «duraść», akazvajučy finansavuju dapamohu Pakistanu, napisaŭ prezident ZŠA Donald Tramp u tvitary.
«Złučanyja Štaty pa duraści pieradali Pakistanu bolš jak $ 33 młrd finansavaj dapamohi za apošnija 15 hadoŭ. U adkaz jany nie dali nam ničoha, akramia chłuśni i padmanu, ličačy našych lidaraŭ za durniaŭ. Jany harantujuć biaśpieku dla terarystaŭ, na jakich my palujem u Afhanistanie, i amal nam nie dapamahajuć. Bolš hetaha nie budzie!» — napisaŭ jon.
Raniej dziaržsakratar ZŠA Reks Tylersan zajaviŭ, što Pakistan pavinien pierahledzieć svaju palityku ŭ dačynieńni da teraryzmu. U advarotnym vypadku Vašynhton pazbavić hetuju krainu statusu adnaho z svaich sajuźnikaŭ, papiaredziŭ kiraŭnik zamiežnapalityčnaha viedamstva ZŠA ŭ kancy žniŭnia.
Pavodle jaho słoŭ, u ZŠA viedajuć pra toje, što terarysty atrymlivajuć prytułak u Pakistanie, dzie płanujuć svaje nabiehi na amierykanskich vajskovych i słužbovych asob ZŠA.
