Staršynia AHP nazvaŭ minułuju kampaniju «čarhovym scenarom «elehantnaj pieramohi», jakaja nie praduhledžvaje padliku hałasoŭ.
«Jany navat nie imitavali padlik hałasoŭ. Čamu tak zdaryłasia? Bo Łukašenka dumaje pra prezydenckija vybary, pra 2010 hod. Kali zaraz pajści nasustrač eŭrapiejcam, to heta moža być rasceniena jak słabaść».
Na dumku spadara Labiedźki, ADS vyjšli z kampanii nia ŭ samym drennym stanie:
«Zaraz sytuacyja dla nas znoŭ čorna‑biełaja. My nie pavinny hadać, čamu niekatoryja našy kalehi prajšli ŭ parlament, kali b jany prajšli, my nie pavinny hadać, što dumaje ŭłada, zaraz znoŭ sytuacyja čorna‑biełaja».
U samaj drennaj sytuacyja apynułasia Eŭropa, ‑‑ pierakanany A. Labiedźka:
«Nie viedaju, jakija słovy padabrać, bo ich kinuli. Heta jość parazaj eŭrapiejskaj dyplamatyi, tych eŭrapiejskich palitykaŭ, jakija prahnazavali, jaki biznes moh by pryjści siudy. Moža Łukašenka za apošnija dni atrymaŭ ad Maskvy prapanovy, ad jakich jon nie moža admovicca, tamu jon kinuŭ eŭrapiejcaŭ».
