Padtrymanyja bolšaściu deputataŭ izrailskaha parłamienta papraŭki ŭ Zakon ab adkaznaści za admaŭleńnie Chałakostu źjavilisia ŭ suviazi z pryniaćciem nižniaj pałataj polskaha parłamienta zakonaprajekta, jaki zabaraniaje «nasupierak faktam» kazać pra datyčnaść palakaŭ da złačynstvaŭ nacystaŭ, paviedamlaje Radyjo Svaboda sa spasyłkaj na The Jerusalem Post.
Izrailskija deputaty jak ad uradu, hetak i ad apazycyi, prapanavali papraŭki ŭ Zakon ab adkaznaści za admaŭleńnie Chałakostu. Meta hetych papravak — nie dazvolić źmianšać adkaznaść tych, chto dapamahaŭ nacystam. Akramia taho, źmienieny zakon harantuje jurydyčnuju dapamohu tym, chto pieražyŭ Chałakost i tym, chto zajmajecca lahierami śmierci, kali suprać ich za miažoj padaduć sudovyja pazovy za ŭspaminy z časoŭ Chałakostu.
Pavodle zakonu ab adkaznaści za admaŭleńnie Chałakostu, pryniataha ŭ Izraili ŭ 1986 hodzie, kožny, chto admaŭlaje Chałakost ci padtrymlivaje złačynstvy suprać habrejskaha narodu, moža atrymać da piaci hadoŭ turemnaha źniavoleńnia.
