Jak tłumačać navukoŭcy, navat pry vykanańni ŭsich technałahičnych pracedur na miažy płomby i zuba z časam utvarajecca zazor, dzie pačynajuć aktyŭna množycca mikraarhanizmy.
U apošnija hady navukoŭcy pryjšli da vysnovy, što hetuju prablemu možna vyrašyć, kali napoŭnić płombu antybijotykami i inšymi rečyvami, pry kantakcie ź jakimi bakteryi hinuć.
Pieršyja ekśpierymienty paćvierdzili, što hetaja ideja dobra pracuje, ale pierad navukoŭcami ŭstała vielmi składanaja zadača: akazałasia, što antybijotyki chutka vymyvajucca z płomby i jana zastajecca abaronienaj zusim niadoŭha. Heta źviazana z pracesam vyrabu nanačaścic: jak praviła, heta połyja abo porystyja śfiery z kremniju i inšych chimična inertnych rečyvaŭ, jakija napaŭniajucca lekami. U bolšaści vypadkaŭ antybijotyki zastajucca tolki na pavierchni, a ŭsiaredzinie nanačaścic ich ahulnaja masa zaŭsiody vielmi nievialikaja.
Kanadskija chimiki z univiersiteta Taronta pasprabavali likvidavać hety niedachop, raspracavaŭšy takuju technałohiju, pry jakoj malekuły antybijotyku traplajuć u pory nanačaścic niepasredna padčas zborki.
Heta dazvoliła pavysić dolu antybijotyka prykładna ŭ 50 razoŭ i rezka źnizić chutkaść źniknieńnia malekuł z pavierchni hranuł.
Jak pakazali pieršyja daśledavani, takija nanačaścicy praciahvali zabivać streptakoki, jakija vyklikajuć karyjes, a taksama mnohija inšyja mikroby navat praz dva hady paśla vyrabu płomby, što heta śviedčyć ab tym, što jany mohuć abaraniać zuby na praciahu praktyčna ŭsiaho žyćcia jaje nośbita.
