Kiraŭnik krainy pryznačyŭ 11 novych kiraŭnikoŭ rajvykankamaŭ. Asabliva na siabie źviartaje ŭvahu źjaŭleńnie novaha hałoŭnaha viertykalščyka ŭ Naraŭlanskim rajonie.
Valeryj Šlaha. Fota belchas.by.
U adstaŭku adpraŭleny Valeryj Šlaha, jaki prakiravaŭ rajonam ažno 22 (!) hady. Nichto z kalehaŭ Šlahi nie moža pachvalicca takim daŭhalećciem na adnoj pasadzie. Bolej znachodzicca niaźmienna na adnoj pasadzie tolki Alaksandr Łukašenka. A z taho samaha 1996 hoda — staršynia CVK Lidzija Jarmošyna.
Admietna, kali vybuchnuła Čarnobylskaja AES u 1986 hodzie, to Šlaha ŭžo zajmaŭ pasadu namieśnika staršyni Naraŭlanskaha rajvynkama.
Naraŭlanski rajon paznačany čyrvonym.
«Deficytu jodu nie było, jaho možna było svabodna kupić u aptecy. Asabista ja ničoha takoha nie rabiŭ: dumaŭ, ludzi ŭbačać, panikavać pačnuć, padumajuć: «Voś pahladzicie, Šlaha baicca!». Ja sam žyŭ na hetaj terytoryi, chadziŭ u tuju ž kramu, u tuju ž škołu. Ludzi mianie bačyli, ja nie chavaŭsia i nie źjazdžaŭ. I syna svajho nie vyviez, pakul usich dziaciej u rajonie nie pačali adsialać», — kazaŭ Šlaha ŭ intervju.
«Pamiataju, kali abjavili evakuacyju, pierš za ŭsio ludzi pabiehli na mohiłkach, prodkam pakłanicca», — cytata ź inšaha intervju. U 2016 hodzie Šlaha atrymaŭ z ruk Łukašenki Orden Pašany.
Ciapier Naraŭlanskim rajonam zamiest Valeryja Šlahi budzie kiravać Pavieł Silivončyk, da hetaha jon byŭ namieśnikam staršyni Śvietłahorskaha rajvynkama.
Chto ciapier kiruje najdaŭžej z staršyń rajvykankamaŭ?
1. Volha Mocharava (Dobrušski rajon, ad krasavika 2005)
2. Jan Vasileŭski (Hrodzienski rajon, ad žniŭnia 2006)
3-5. Mikałaj Arciuškievič (Dziaržynski rajon, ad listapada 2006)
Juryj Bisun (Ivanaŭski rajon, ad listapada 2006)
Valeryj Rabkaviec (Pinski rajon, ad listapada 2006)
