Aktrysa Sincija Niksan, viadomaja pa roli Mirandy ŭ «Seksie ŭ vialikim horadzie», abviaściła pra płany ŭdzielničać u vybarach hubiernatara Ńju-Jorka 6 listapada 2018 hoda.
Čutki pra mahčymy ŭdzieł Niksan u vybarach chadzili z 2017 hoda. Jana nieadnarazova krytykavała hubiernatara Endru Kuoma, jaki źbirajecca pieraabracca u 2018 hodzie.
I Kuoma, i Niksan pretendujuć na vyłučeńnie ad Demakratyčnaj partyi. Pavodle apošnich apytańniaŭ, Kuoma karystajecca padtrymkaj 66% demakrataŭ, Niksan — 19%. Prajmieryz, na jakich vyznačycca kandydat, projduć u vieraśni.
Sincii Niksan 51 hod. Najbolš viadomaja jaje televizijnaja rola — Miranda ŭ sieryjale «Seks u vialikim horadzie». Za svaju pracu ŭ teatry jana dvojčy atrymała premiju «Toni».
Niksan taksama viadomaja jak aktyvistka, jakaja zajmajecca prablemami niaroŭnaści, adukacyi i pravoŭ ŁHBT. Z 2012 hoda jana ŭ šlubie z aktyvistkaj Kryścin Marynoni.
