Krajavidy Uschodniaj Biełarusi. Fota Siarhieja Hudzilina.
Departamient finansavych rasśledavańniaŭ Kamiteta dziaržaŭnaha kantrolu pa Mahiloŭskaj vobłaści rasśleduje trahikamičnuju spravu.
Čytajcie taksama: «Škada było ludziej» — staršynia sielvykankama rastłumačyła, čamu składała pratakoły na viaskoŭcaŭ i sama płaciła štrafy
Jak vyjaviłasia, staršynia adnaho ź sielvykankamaŭ Mścisłaŭskaha rajona vypisvała štrafy advolnym viaskoŭcam… i sama spłačvała ich.
Navošta?!
Kab stvaryć bačnaść aktyŭnaj pracy pa dobraŭparadkavańni nasielenych punktaŭ, bo inačaj jaje samu mahli b pryciahnuć da adkaznaści za biaździejnaść.
Takim čynam za 2015-2016 hady inicyjatyŭnaja žančyna skłała pratakoły na 13 advolna abranych achviar.
Pakarańnie dała im minimalnaje — 0,1 bazavaj vieličyni. Sama spłaciła štrafy i zaniesła źviestki ab pravaparušeńniach ŭ adziny dziaržaŭny bank danych. Na hetym jana i pahareła.
Za złoŭžyvańnie słužbovymi paŭnamoctvami žančynie pahražaje ad 3 da 10 hadoŭ źniavoleńnia z kanfiskacyjaj majomaści ci bieź jaje.
