Ahułam suśvietnyja prodažy kampjutaraŭ i noŭtbukaŭ u pieršym kvartale 2018 hoda ŭ paraŭnańni z tym ža pieryjadam minułaha hoda ŭpali na 1,4%: z 62,569 miljona pryładaŭ da 61,686 miljona.
Najchutčej prodažy rastuć u kampanii Dell, jakaja pakazała rost na ŭzroŭni 6,5% u paraŭnańni ź pieršym kvartałam 2017 hoda. Siońnia kampanija zajmaje 16% rynkavaj doli.
Na druhoje miesca pa roście prodažaŭ vyjšła HP (2,8%), čyja rynkavaja dola siońnia składaje 20,8%. Taksama kampanija zdoleła vyjści na pieršaje miesca pa kolkaści pradadzienych pryładaŭ — 12,856 miljona. Na trecim miescy — kampanija Apple z rostam u 1,5%. Ciapierašniaja rynkavaja dola kampanii — 6,9%, a kolkaść pradadzienych kampjutaraŭ — 4,264 miljona. Amal nie pakazvajuć rostu prodažy pryładaŭ Lenovo (usiaho 0,3%).
Astatnija kampanii pakazvajuć tolki padzieńnie (naprykład, u Asus heta ažno —12,5%).
Da pryčynaŭ hetaha analityki adnosiać spad prodažaŭ u husta nasielenym Azijacka-Cichaakijanskim rehijonie, a taksama imklivy rost papularnaści mabilnych pryładaŭ, asabliva płanšetaŭ.
Čytajcie taksama:
Jakimi apieracyjnymi sistemami karystajecca ŭvieś śviet i Biełaruś: statystyka
Jakija braŭzery zaraz samyja papularnyja ŭ śviecie i ŭ Biełarusi: pieravahi, niedachopy i krychu historyi
Ad 1642 hoda da našych dzion: historyja raźvićcia kampjutara, i što nas čakaje dalej — šmat FOTA
