Trahiedyja adbyłasia siońnia nočču ŭ vioscy Navasiołki Pastaŭskaha rajona. Kala hadziny niechta nabraŭ 101 i paviedamiŭ pra ŭzharańnie ŭ domie pa vulicy Maładziožnaj, dzie raźmieščana ambułatoryja doktara ahulnaj praktyki. Na miescy pažarnyja vyjavili ščylnaje zadymleńnie ŭ haražy i na pieršym paviersie dvuchpaviarchovaha budynka. U 1.34 vyratavalniki znajšli na padłozie cieła mužčyny. Užo viadoma, što heta 40-hadovy kiroŭca UAZ «Pastaŭskaja CRB», pieradaje sb.by.
Budynak, dzie zdaryŭsia pažar, naležyć AAT «Navasiołki-Łučaj». Siem kabinietaŭ i haraž u haspadarki aranduje rajonnaja balnica. Vartaŭnica, jakaja ŭ momant uzharańnia znachodziłasia ŭ pamiaškańni, pakinuła miesca zdareńnia da pryjezdu ratavalnikaŭ. Jana nie paciarpieła.
Jak piša pres-słužba abłasnoha ŭpraŭleńnie MNS, u haražy paškodžana majomaść, zakurany ścieny, stol, u aŭtamabili VAZ-2107 źniščany płastykavyja elemienty, paškodžany kuzaŭ, łakafarbavaje pakryćcio, u budynku na pieršym paviersie zakurany ścieny, stol. Pryčyna pažaru vyśviatlajecca. Adna ź viersij — nieaściarožnaj abychodžańnie zahinułaha z ahniom.
