Prapanovu pa stvareńni «mocnaha i efiektyŭnaha ministerstva» ŭ IT-śfiery vykazaŭ Alaksandr Łukašenka padčas niadaŭniaha zvarotu da parłamienta i naroda.
Premjer-ministr padkreśliŭ, što zadača pa pieratvareńni Biełarusi ŭ IT-krainu praduhledžvaje hłabalnaje asvajeńnie novych ličbavych technałohij va ŭsich śfierach žyćcia hramadstva i ekanomiki.
«Orhanam dziaržaŭnaha kiravańnia, sistemie adukacyi, rehulataram roznych śfier dziejnaści treba budzie karennym čynam pierabudavać svaju rabotu. Važny krok nami ŭžo zrobleny. Padpisany ŭ kancy minułaha hoda dekret ab raźvićci ličbavaj ekanomiki stvaraje biesprecedentnyja dla našaj krainy pravavyja ŭmovy dla raboty IT-industryi. I my raźličvajem, što paśpiachovaja aprabacyja šerahu zakanadaŭčych norm na bazie Parka vysokich technałohij daść mahčymaść u budučym paśpiachova pieranieści hety vopyt na ekanomiku ŭ cełym», — adznačyŭ Andrej Kabiakoŭ.
Pry hetym, pavodle jaho słoŭ, IT-śfiera, telekamunikacyi, suviaź — tolki małaja častka ekanomiki, jakuju treba budzie pieraŭtvaryć. Źmieny majuć zakranuć i pramysłovaść, i sielskuju haspadarku, i transpartnuju sistemu.
Pavodle jaho słovaŭ, z ulikam važnaści i składanaści vyrašeńnia prablem ličbavizacyi, pasiadžeńni savieta buduć pravodzicca nie radziej za adzin raz na kvartał, a pry nieabchodnaści — jašče čaściej.
