Čarhovaj achviaraj suśvietnaha finansavaha kryzisu staŭ adzin z najbujniejšych u Niamieččynie Bayerische Landesbank (BayernLB), jaki ščylna z 2006 hoda pracuje ź biełaruskimi bankami, asabliva ź lideram bankaŭskaha rynka AAT «AAB «Biełarusbank».
Jak paviedamlaje «Ježiednievnik» sa spasyłkaj na niamieckaje vydańnie Sueddeutsche Zeitung, za čas kryzisu niamiecki bank byŭ vymušany śpisać 4 młrd jeŭra ŭkładańniaŭ.
Zaraz BayernLB raźličvaje na ŭlivańnie 5 młrd jeŭra ŭ svoj kapitał z sumy ŭ 500 młrł, jakuju ŭrad Anhieły Mierkiel paabiacaŭ nakiravać na padtrymku bankaŭskaj sistemy krainy.
BayernLB u Biełarusi vystupaŭ u jakaści pasiarednika‑suarhanizatara i niepasrednaha ŭdzielnika ŭsich piaci sindicyravanych pazykaŭ dla AAT «AAB «Biełarusbank». Ahułam za sakavik 2006 — červień 2008 hoda im było arhanizavana zapazyčańniaŭ dla hałoŭnaha biełaruskaha banka na sumu 301 młn dalaraŭ. U vieraśni biahučaha hoda było abvieščana ab pačatku padpiski jašče na 50 młn dalaraŭ dla «Biełarusbanka», i BayernLB iznoŭ uvajšoŭ u puł arhanizataraŭ pazyki.
Krychu raniej, u krasaviku 2008 hoda, jon razam z partuhalskim Banco Finantia, šviejcarskim Credit Suisse i hałandskim Fortis pačaŭ źbirać 40 młn dalaraŭ dla inšaha biełaruskaha bujnaha pazyčalnika — AAT «BPB‑Bank». Akramia taho, BayernLB u 2007 hodzie arhanizavaŭ pryciahnieńnie srodkaŭ dla kredytavańnia «Bielinviestbanka» (41 młn dalaraŭ) i «Biełhazprambanka» (35 młn dalaraŭ).
