Pajšoŭ z žyćcia narodny artyst Biełarusi Eduard Zarycki. Pra heta ŭ fejsbuku paviedamili siabry kampazitara. Zaryckamu było 72 hady.
Eduard Zarycki naradziŭsia 9 lutaha 1946 hoda ŭ horadzie Krasny Kut Sarataŭskaj vobłaści, a z 1948 hoda jon žyŭ u Minsku.
Skončyŭ Biełaruskuju dziaržaŭnuju kansiervatoryju pa kłasie kampazicyi Anatola Bahatyrova ŭ 1970 hodzie.
Jon aŭtar takich viadomych piesień jak «Biełyja kryły», «Zamova», «Načnyja kastry», «Budźma», «Pałynovaja rostań», «Listok kalendara», «Tak pryjšła da nas Pieramoha».
Taksama Zarycki stvaryŭ cykły na vieršy Adama Mickieviča, Jakuba Kołasa i Uładzimira Karatkieviča.
U 2006 hodzie byŭ uznaharodžany ordenam Francyska Skaryny.
0
0
0
0
0
0
