Narviežski tabłoid VG admysłova da suśvietnaha pieršynstva pa futbole zapuściŭ prajekt «Znajdzi svajho bliźniuka z čempijanatu śvietu». Karystalnikam prapanoŭvajecca zapampavać svajo fota. Paśla čaho śpiecyjalnaja technałohija raspaznavańnia tvaraŭ paraŭnoŭvaje jaho z vyjavami 736 hulcoŭ, jakija biaruć udzieł u mundyjali.
My vyrašyli znajści futbolnych bliźniukoŭ dla viadomych biełarusaŭ.
Vitaŭt Vialiki — Kiejłar Navas (Kosta-Ryka)
Zorka Navasa ŭzyšła padčas minułaha čempijanatu śvietu, dzie Kosta-Ryka dajšła da čverćfinału. Paśla hetaha Kiejłar pierajšoŭ u «Reał» i trojčy vyjhraŭ Lihu čempijonaŭ.
Na žal, na biahučym čempijanacie śvietu Kosta-Rycy užo ničoha nie śviecić — dźvie parazy.
Tadevuš Kaściuška — David Kaŭnacki (Polšča)
Kaŭnackaha niekali nazyvali novym Levandoŭskim. U 21 hod forvard užo paśpieŭ stać čempijonam Polščy i dvojčy zavajavać supierkubak krainy-susiedki.
Kastuś Kalinoŭski — Jaan bien Ałuan (Tunis)
Bien Ałuan naradziŭsia i vyras va Francyi. Paśpieŭ navat zhulać adzin matč za maładziožnuju zbornuju hetaj krainy, paśla čaho vyrašyŭ źmianić spartyŭnaje hramadzianstva i hulać za Tunis. Ale potym dvojčy adchilaŭ vykliki ŭ afrykanskuju zbornuju, čakajučy, što budzie zapatrabavany ŭ francuzaŭ.
Kastuś Kalinoŭski nikoli b, viadoma, tak nie zrabiŭ.
Francišak Bahuševič — Mikael Kron-Deli (Danija)
U 2016 hodzie ŭ hulni suprać danieckaha «Šachciora» dacki paŭabaronca atrymaŭ žudasnuju traŭmu kalena, praź jakuju prapuściŭ ceły hod. Ale da radaści dackich zaŭziataraŭ viarnuŭsia ŭ futboł i byŭ vyklikany ŭ skład zbornaj na čempijanat śvietu.
Janka Kupała — Chiesus Karona (Mieksika)
Proźvišča mieksikanca supadaje z nazvaj viadomaha piŭnoha brenda. U 2012 hodzie «Manterej», za jaki hulaŭ Karona, braŭ udzieł u kłubnym čempijanacie śvietu, jaki spansuje inšaja piŭnaja kampanija. Tamu na futbołcy ŭ paŭabaroncy zamiest «Karona» było napisana «'Chiesus K».
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
Jakub Kołas — Chase Karvaljo (Pieru)
Chase Karvaljo — treci bramnik zbornaj Pieru na čempijanacie śvietu. Jon nie braŭ udziełu ŭ adboračnych hulniach, ale pajechaŭ na turnir u jakaści nadziejnaha tyłu na ŭsialaki vypadak. Šancaŭ ubačyć jaho ŭ dziejańni na rasijskich pala amal niama, tamu prosta padziakujem Jakubu Kołasu za toje, što vy naohuł daviedalisia, što taki futbalist isnuje.
Maksim Bahdanovič — Dejan Łoŭren (Charvatyja)
Padčas juhasłaŭskaj vajny siamja Dejana Łoŭrena była vymušana pakinuć Charvatyju, i pieršyja futbolnyja kroki budučy abaronca rabiŭ u Miunchienie.
Maksim Bahdanovič u dziacinstvie taksama ź siamjoj źjechaŭ z radzimy. Ale pa mirnaj pryčynie — u Jarasłaŭli atrymaŭ rabotu jahony baćka Adam.
Jazep Drazdovič — Piepie Rejna (Ispanija)
Piepie Rejnu ličać vielmi važnym čałaviekam u zbornaj Ispanii. Jon adkazvaje za atmaśfieru ŭ kalektyvie. Tamu jahonych zasłuh u čempijonstvach śvietu i Jeŭropy (dvojčy) taksama chapaje.
Jazepa Drazdoviča ciažka nazvać kampaniejskim tavaryšam. U viadomaha mastaka byŭ svoj suśviet, jaki nam jašče naležyć spaznać.
Uładzimir Karatkievič — Masima Łuonha (Aŭstralija)
Baćka Masima — italjaniec, mama — indanezijka. Ich syn — aŭstralijec i hulaje za zbornuju hetaj krainy. Takija voś cikavostki kasmapalityčnaha śvietu.
U składzie zbornaj Łuonha staŭ najlepšym hulcom kubka Azii ŭ 2015 hodzie.
Alaksandr Łukašenka — Miesut Eził (Hiermanija)
Niamiecki hulec tureckaha pachodžańnia ŭ svajoj karjery vyjhraŭ amal usio. Ale voś u čym nie zmoža paraŭnacca sa svaim «hramadzianskim» bliźniukom, dyk heta ŭ tytułach na kaladnym turniry.
Źmicier Daškievič — Džon Stoŭns (Anhlija)
Stoŭnza časta paraŭnoŭvajuć navat z Francam Biekienbaŭeram. U apošnim siezonie abaronca staŭ čempijonam Anhlii.
Źmicier Daškievič zaŭždy na varcie sumleńnia, siońnia jon abaraniaje Kurapaty.
Alaksandr Saładucha — Brajan Aŭjeda (Kosta-Ryka)
Ci viedaŭ Alaksandr Saładucha, što ŭ jaho ŭ adnoj centralnaamierykanskaj krainie žyvie brat-bliźniuk? Spadziajemsia, jon pabačyć hety artykuł i budzie ciapier zaŭzieć za Kosta-Ryku!
Maks Korž - Arnor Traŭstasan (Isłandyja)
Traŭstasan spryčiniŭsia da isłandskaha cuda na Jeŭra-2016, zabiŭšy pieramožny miač u hulni z aŭstryjcami.
Za dva hady «mały pastaleŭ», kłubnaja karjerna nie zaźziała dasiahnieńniami, ale Traŭstasan praciahvaje vyklikacca ŭ zbornuju.
Pišycie ŭ kamientarach, chto vaš futbolny bliźniuk!
