Alaksandr Łukašenka ad imia biełaruskaha naroda i siabie asabista pavinšavaŭ Redžepa Taipa Erdahana ź pieraabrańniem na pasadu prezidenta Turcyi. Pra heta BiełTA paviedamili ŭ pres-słužbie biełaruskaha kiraŭnika.
«Vyniki vybarčaj kampanii prademanstravali vysokuju acenku suajčyńnikami Vašaj plonnaj pracy, nacelenaj na dalejšaje ŭmacavańnie krainy i zabieśpiačeńnie jaje ŭstojlivaha sacyjalna-ekanamičnaha raźvićcia. Upeŭnieny, što pad Vašym kiraŭnictvam Turcyja praciahnie svoj pastupalny ruch pa šlachu prahresu i roskvitu», — havorycca ŭ vinšavańni.
Kiraŭnik dziaržavy adznačyŭ, što pamiž Biełaruśsiu i Turcyjaj skłalisia asablivyja, sapraŭdy brackija adnosiny. «Pierakanany, što stratehičnaje dvuchbakovaje supracoŭnictva, jakoje dynamična pašyrajecca, maje vielizarny patencyjał. Ahulnymi namahańniami my zdolejem dasiahnuć novych viaršyń u palityčnaj, handlova-ekanamičnaj i inšych śfierach uzajemadziejańnia», — padkreśliŭ Łukašenka.
