U adpaviednaści z padpisanymi prezidentam RF zahadami pałkam i dyvizijam vojska Rasii prysvojenyja imiony Viciebska, Kobryna, Słonima, a taksama ŭkrainskich i polskich haradoŭ.
Zahady byli padpisanyja Pucinym 30 červienia 2018 hoda i ŭžo ŭstupili ŭ siłu.
Šerahu častak rasiejskaj armii byli prysvojeny hanarovyja najmieńni, jakija ŭklučajuć u siabie nazvy haradoŭ Biełarusi - Viciebska (90-ja hvardziejskaja tankavaja Viciebska-Naŭharodskaja dyvizija), Kobryna (856-y hvardziejski samachodny artyleryjski Kobrynski połk), Słonima (102-i motastrałkovy Słonimska-Pamieranski połk) - a taksama nazva stalicy Polščy (381-y hvardziejski artyleryjski Varšaŭski połk).
Taksama 6-y tankavy połk rasijskaj armii z hetaha času nosić hanarovaje najmieńnie «hvardziejski Lvoŭski», 68-y tankavy połk - «hvardziejski Žytomirska-Bierlinski» 163-i tankavy połk - «hvardziejski Niežynski».
Nazvy ŭklučanyja ŭ hanarovyja najmieńni pałkoŭ ŭ pamiać ab udziele častak u vyzvaleńni hetych haradoŭ u hady Vialikaj Ajčynnaj vajny.
Adznačajecca, što hanarovyja najmieńni prysvojenyja «dziela zachavańnia słaŭnych vajskovych histaryčnych tradycyj, vychavańnia vajskoŭcaŭ u duchu addanaści Ajčynie i viernaści voinskamu abaviazku».
