Načalnik upraŭleńnia narychtovak Biełkaapsajuza Aksana Skindar raspaviała siońnia na pres-kanfierencyi ab cenach na nabyćcio sielhaspradukcyi, hryby i jahady.
«Ceny zaležać ad jakaści i rehijonu. Jabłyki apad zakuplajuć ciapier pa canie ad 3 da 5 kapiejek za kh. Jabłyk tavarny — ad 60 kapiejek —da 1 rubla 20 kapiejek, maliny — ad 1,5 da 2,5 rubla, časnyk — ad 3,5 da 4 rubloŭ, čarnicy — ad 3,5 da 4 rubloŭ, lisički — ad 4,5 da 7 rubloŭ, biełyja hryby — ad 5 da 7 rubloŭ za kh. Pa bulbie, burakach, morkvie, cybuli ceny adroźnivajucca», — skazała Aksana Skindar.
Jana taksama paviedamiła, kudy realizujecca zakuplenaja Biełkaapsajuzam pradukcyja.
Kala 60% bulby realizujecca ŭ roźničnaj handlovaj sietki i na rynkach, 3-5% idzie na pramysłovuju pierapracoŭku, 35% - na ekspart. Kala 70% harodniny realizujecca ŭ roźnicu, 30% pradajecca pierapracoŭčym pradpryjemstvam. Što tyčycca čarnicaŭ, to 10% realizujecca ŭ roźnicu, astatniaje pastaŭlajecca na ekspart. Akramia taho, kala 80-90% hryboŭ pradajecca ŭnutry krainy ŭ roźnicu jak u śviežym, tak i ŭ pierapracavanym vyhladzie.
