Kniha «Briest. Leto 1941 h. Dokumienty. Matieriały. Fotohrafii» pierakanaŭča raźvienčvaje savieckuju j postsavieckuju «patryjatyčnuju» mitalohiju, źviazanuju z abaronaju Bieraściejskaje krepaści ŭ červieni 1941 hodu.
U joj arhumentavana śćviardžajecca, što aktyŭnaja faza bajoŭ doŭžyłasia nia bolš za tydzień (a nia miesiac, jak nastojvała savieckaja prapahanda), što ź pieršaha dnia bajavych sutyčak adbyvałasia masavaja zdača ŭ pałon sałdat i aficeraŭ Čyrvonaje armii dy, bolš za toje, pieravažnaja bolšaść savieckich abaroncaŭ Bieraściejskaje krepaści trapiła ŭ niamiecki pałon, što lik savieckich pałonnych vymiaraŭsia sotniami j tysiačami, i što naahuł zvyškancentracyja savieckich vajskoŭcaŭ na maleńkaj terytoryi Bieraściejskaje krepaści była stratehičnaju pamyłkaju savieckaha kamandavańnia. Razam z tym, za zdabyćcio krepaści niemcam daviałosia zapłacić vialikuju canu — adnych zabitych było kala 450 čałaviek.
Kniha taksama raskazvaje pra pieršyja miesiacy štodzionnaha žyćcia haradžanaŭ pad niamieckaj akupacyjaj. Hetaja naracyja ilustrujecca ŭnikalnymi fotamatarjałami — niamieckimi prapahandysckimi plakatami, fatazdymkami mirnaha nasielnictva j haradzkich landšaftaŭ horadu Bieraścia leta 1941 hodu. Pieršaje vydańnie zbornika vyklikała vialikuju cikavaść u Biełarusi j za jejnymi miežami. Kniha stała nahodaju dla aktyŭnych dyskusijaŭ.
Za hod tysiačny nakład pieršaha vydańnia całkom razyšoŭsia. Ciapier vydaŭcy prapanujuć 2-je vydańnie, dapoŭnienaje j vypraŭlenaje. Aproč uniesienych karektyvaŭ, u im dadadziena kala 40 proźviščaŭ u imienny pakaźnik.
Kniha kaštavała 24,9 rub., ale ŭ miežach akcyi jaje možna nabyć za 17,9 rub. Akcyja dziejničaje da 5 žniŭnia.
Pra toje, jak atrymać vydańnie, možna daviedacca na sajcie Arche.
