Pavodle nieaficyjnych dadzienych, bojka adbyłasia kala adnaho z hrodzienskich baraŭ. Vialikaja kampanija adpačyvała na letniaj terasie bara «Siemafor». U niejki momant razahretyja ałkaholem hrodziency stali aburalna siabie pavodzić, i rabotnikam bara daviałosia vyklikać milicyju.
Pravaachoŭniki, jakija prybyli na miesca zdareńnia, pasprabavali zatrymać chłopcaŭ za administracyjnaje pravaparušeńnie, adnak atrymali supraciŭ. Učastkovyja vyklikali padmohu z Departamienta achovy i razam pasprabavali sucišyć debašyraŭ. Ale ŭ vyniku, u momant zatrymańnia, zaviazałasia bojka, u chod jakoj umiašalisia i mužčyny z susiedniaha stolika. U vyniku paciarpieli abodva baki — supracoŭnik milicyi atrymaŭ udar abcasam u hałavu.
Milicyjantu była akazana pieršaja miedycynskaja dapamoha, ciapier jon znachodzicca ŭ balnicy. Žančyna, jakaja vyrašyła takim čynam adnavić spraviadlivaść, zatrymana. Pryčyna kanfliktu vyśviatlajecca.
