Pavieł Śvieciankoŭ, skrynšot: 1tv.ru.
Śvieciankoŭ miarkuje, što Rasija pravodzić u dačynieńni da Biełarusi standartnuju postsavieckuju palityku, kali robicca staŭka na asabistyja suviazi z kiraŭnikom dziaržavy.
U svaju čarhu Biełaruś sprabuje budavać niezaležnuju dziaržavu, maksimalna dystancyjanavanuju ad Rasii, ale pry patrabavańni vielizarnych inviestycyj ad jaje.
Aŭtar upeŭnieny, što takaja palityka nie źjaŭlajecca efiektyŭnaj, tamu što postsavieckija elity pačynajuć usprymać heta jak vypłatu daniny Maskvoj, i niezaležnyja dziaržavy pačynajuć parazitavać na Rasii, a potym i pravodzić antyrasijskuju palityku.
Śvieciankoŭ miarkuje, što ŭ hetych umovach, kab abhruntavać isnavańnie suvierennaj biełaruskaj dziaržavy, Łukašenka źviartajecca da sił, maksimalna antyrasijskich i antyruskich. Tamu što kali kazać pra toje, što biełarusy — heta ruskija, što Biełaruś — heta Rasija, — nu što ž, mabyć, treba ŭstupać u skład Rasii. A biełaruskija elity da hetaha, viadoma, nie hatovyja, jak asabista i Łukašenka.
Palitołah nahadaŭ pra časy Ševarnadze i Janukoviča, kali hetyja kiraŭniki padtrymlivali prazachodnija siły ŭ krainie, kab dalej dystancyjanavacca ad Maskvy, a potym u vyniku hetyja ž siły zrynali i samich Ševarnadze i Janukoviča.
Aŭtar ličyć, što ŭ Biełarusi nazirajecca anałahičny praces. Ułady vykormlivajuć antyrasijskija, antyruskija siły ŭ nadziei na toje, što heta dazvolić im abhruntavać dziaržaŭnaść, rastłumačyć, čym Biełaruś adroźnivajecca ad Rasii. Ale tyja palityčnyja siły, jakija Łukašenka nibyta vykormlivaje, u ich zusim inšaja prahrama, i ŭ niejki momant jany sa spadarožnikaŭ Łukašenki pieratvoracca u vorahaŭ, jakija buduć jaho intensiŭna zrynać.
Palitołah upeŭnieny, što Rasija pravodzić vielmi niaŭdałuju palityku na postsavieckaj prastory, dzie ŭsie dziaržavy rana ci pozna pieratvarajucca ŭ antyrasijskija i ŭstupajuć z Rasijaj u varožyja adnosiny. Toje ž samaje budzie i ź Biełaruśsiu, jakuju Śvieciankoŭ nazvaŭ «pierachodnaj» dziaržavaj.
