Pra heta zajaviŭ žurnalistam u Maskvie dyrektar pa asablivych daručeńniach rasiejskaha «Rasabaronekspartu» Mikałaj Dziemidziuk.
Adkazvajučy na pytańnie pra mahčymaść pastavak aperatyŭna‑taktyčnych rakietnych kompleksaŭ «Iskander» u Biełaruś, Mikałaj Dziemidziuk adznačyŭ, što pamiž ich pryjomam na ŭzbrajeńnie i ekspartnymi pastaŭkami za miažu moža być peŭnaja paŭza.
Dyrektar pa asablivych daručeńniach rasiejskaha «Rasabaronekspartu» zajaviŭ žurnalistam,
što rasiejski bok vykanaje plany pastavak aperatyŭna‑taktyčnych rakietnych kompleksaŭ «Iskander» u Biełaruś.
Jon adznačyŭ: «My pastavim usio, što jany zachočuć», — dadaŭšy, što «niama nijakich abmiežavańniaŭ na pastaŭku ŭzbrajeńniaŭ u Biełaruś». Taksama jon adznačyŭ, što ź biełaruskimi vytvorcami idzie «dobraje supracoŭnictva» pa prycełach dla tankaŭ i BMP.
Nahadajem, raniej rasiejski prezydent Dźmitryj Miadźviedzieŭ zajaviŭ pra namier raźmiaścić rakietnyja kompleksy hetaha typu na zachodnim kirunku ŭ Kalininhradzkaj vobłaści ŭ jakaści supraćvahi amerykanskaj systemie procirakietnaj abarony ŭ Eŭropie.
